O Festival Noroeste Estrella Galicia dá a coñecer os horarios da súa trixésimo novena edición, con 5 días de música en directo e completamente de balde. En total, serán 7 os emprazamentos repartidos por toda a cidade da Coruña: Campo da Leña, praza de Azcárraga, praza de María Pita, Santa Margarida, Castelo de San Antón, o Portiño e a praia de Riazor.
Desde o 5 ao 9 de agosto serán máis de 40 recitais de estilos tan diversos como o rock, música africana, pop, electrónica, folk, jazz, rythm&blues, post-punk ou flamenco. Máis da metade das bandas desta trixésimo novena edición serán galegas.
Así, o 5 de agosto poderemos gozar de Law ás 13:00 horas; David Regueiro Trío ft. Pablo Castaño ás 19:00 horas; Pamela Rodríguez ás 22:00 horas e Fantastic Negrito ás 00:00 horas en Azcárraga; Colorado ás 14:00 horas; Greasy Belly ás 20:00 horas; Agoraphobia ás 23:00 horas; e Frankie and the Witch Finger ás 1:00 horas no Campo da Leña; Freestyle People ft. Gallos del Norte ás 19:00 horas; Orquesta Invisible ás 20:30 horas; Catuxa Salom ás 22:00 horas e Bongeziwe Mabandla ás 23:30 horas en Santa Margarida; Anna Andreu ás 21:00 horas no Castelo de Santo Antón e Ángel Stanich ás 20:00 horas: Dorian ás 22:00 horas e Familia Caamagno e a Orquestra do Quince ás 00:00 horas na praza de María Pita.
Para o 6 de agosto, a programación depáranos os concertos de Apolo18 ás 13:00 horas; MFC Chicken ás 19:00 horas; La Perra Blanco ás 22:00 horas e Moura ás 00:00 horas en Azcárraga; Mar de Fondo ás 19:15 horas; MEU ás 20:30 horas; Tsunami Arise ás 23:00 horas e Ruxe Ruxe ás 1:00 horas no Campo da Leña; Banda DiversidArte ft. Silvia Penide & La Sophie Simonds Band ás 19:00 horas; Mounqup ás 20:30 horas; Xosé Lois Romero & Aliboria ás 22:00 horas e Mari Froes ás 23:30 horas no parque de Santa Margarida; Ana Lua Caiano ás 21:00 horas no Castelo de Santo Antón e Vicente Calderón ás 20:00 horas e Yerai Cortés ás 22:00 horas na praza de María Pita.
Abrirán os concertos da praia de Riazor deste ano Crowded ás 20:00 horas; Bala ás 21:00 horas; Sprints ás 22:30 horas e Rusowsky ás 00:30 horas o venres 7 de agosto. Para o sábado 8 de agosto, quenda de Zënzar ás 20:00 horas; Sés ás 21:00 horas; Echo & The Bunnymen ás 23:00 horas e Bomba Estéreo ás 01:00 horas na praia de Riazor.
O Festival Noroeste Estrella Galicia é o festival urbano e gratuíto que conta co patrocinio de Estrella Galicia, organizado polo Concello da Coruña e que conta co apoio da Xunta de Galicia a través de Concertos do Xacobeo, e a Deputación da Coruña. Trátase do evento máis importante das súas características a nivel estatal, e un dos máis relevantes de Europa.
