Hoxe, domingo 9 de agosto, o Festival Noroeste Estrella Galicia pechou a programación da súa trixésimo novena edición coas escénicas en Santa Margarida e os Xardíns de Méndez Núñez, así como a música electrónica do Portiño.
As derradeiras sesións deejay correron a cargo de Rey DJ, La Yaya DJ e Monkey Mambo Club, namentres que a proposta ‘Leucoíña pasea contos nas verzas’ puxo o punto e final ao Noroestiño nos Xardíns de Méndez Núñez ás 12:00 horas.
No parque de Santa Margarida, ás 21:00 horas, Xosé A. Touriñán e David Perdomo subiron ao escenario para representar ‘Amoriños’, un espectáculo no que humor salvaxe convive coa emoción e coa improvisación.
O Mercado da Colleita estenderase nesta edición ata ata o vindeiro 12 de agosto.
