Candela Liste é unha cantante, compositora, multiinstrumentista e produtora galega. A súa música nace desde a liberdade creativa e chega directamente ao corazón.
O seu primeiro disco, Caos, é un universo de cancións diferentes e sinceras, onde cada tema funciona como unha pílula dunha emoción distinta.
Inspirada por lendas como The Beatles ou Kate Bush con chiscadelas á música actual de artistas como Girl In Red, King Princess ou Dominic Fike, a súa música abarca desde as raíces do rock clásico ata os sons electrónicos do presente.
Este concepto cobra vida nun directo cheo de rock e sensibilidade que xa conquistou escenarios por todo o mundo.
