JUDAH

Judah é o alter ego artístico de Andrés Grobas: Dj, creador de beats e colaborador habitual de nomes como DL Brando, BFlecha, Arufe ou o colectivo vigués Banana Bahia Music.

Publicou o seu primeiro EP, no ano 2011 e non parou de servir beats a algúns dos nomes máis relevantes da música urbana do noso país como é o caso de Agorazein (C.Tangana), Kaixo ou Mwëslee, entre moitos outros. O galego foi a cara máis visible do colectivo Norweside. En activo durante os anos 2010-2015, esta plataforma foi a lanzadeira dalgúns dos artistas galegos máis recoñecidos no xénero como Arufe, Wanna Dee ou DL Brando, baixo o mando e a produción de Judah.

Amante da música negra, o R&B e o hip hop dende os seus primeiros anos de mocidade, a experiencia que atesoura aos pratos é sempre garantía de beats, ritmos e rimas de primeiro nivel.

O seu estilo: R&B avanzado, hip hop de hoxe e de sempre, future beats, grime y bass music contemporánea co que fará vibrar a todo o Festival Noreoeste Estrella Galicia.

CANDO?

AS SÚAS REDES

A SÚA MÚSICA