FAMILIA CAAMAGNO

Familia Caamagno é unha banda de pop e rock’n’roll fundada en 2011 por cinco rapaces de Sigüeiro. En outubro de 2012 autoeditan o seu EP homónimo “Familia Caamagno” e comezan a tocar por salas de concertos de toda Galicia.

Pronto comezan a dar que falar entre o público galego pola súa proposta e polo seu contundente directo que mestura o rock and roll e o garaxe con letras acedas e unha idiosincrasia xenuína.

Os bos presaxios confírmanse ao resultar vencedores no V Concurso Rock da Deputación da Coruña, canción do verán do 2014 e un dos 100 mellores discos editados nese ano a nivel internacional (Radio 3), representantes de Galicia no Festival SUNS EUROPE celebrado en Udine (Italia), finalistas no Festival de Liett en Holanda, terceiro mellor disco de Galicia no 2019 segundo a Mondo Sonoro, Mellor directo do ano 2020 segundo Radio Galega e Finalista a “Mejor Álbum en gallego” nos Premios MIN de la Música Independiente en 2020.

Agora chegan o Festival Noroeste Estrella Galicia tras resucitar o ‘Xuntos‘ de Juan Pardo entre guitarras eléctricas e estética soviética.

CANDO?

AS SÚAS REDES

A SÚA MÚSICA