BAIUCA

Baiuca ve “ Embruxo” como un paso adiante na súa maneira de enfocar a composición dun disco, na que non só a música mantén unha coherencia sonora, senon que existe unha temática e un concepto definido do que se quere contar. Nesta ocasión, o miticismo e a cultura volven ser claves para Baiuca.

A través do concepto de “cultura espiritual”, as súas composicións inspiráronse na poesía do século XIX e principios do XX, desde a de Luís Amado Carballo, Curros Enríquez ou Rosalía de Castro ata os cancioneiros tradicionais.

En “Embruxo”, Adrián Canoura, creador do imaxinario visual, explora un dos elementos máis arcaicos que se conservan en Galicia e parte da Península Ibérica: os petróglifos, que remarcan esa relación mística do pasado coa evolución da cultura espiritual ata os nosos días.

Un concepto que casa coa idea de facer un disco no que os instrumentos tradicionais fosen os elementos principais, empregándoos en novas estruturas rítmicas.

Arte, cultura e tradición únense novamente nas melodías deste grupo que non deixa de sorprendernos con cada unha das súas composicións.

CANDO?

AS SÚAS REDES

A SÚA MÚSICA