A 37ª edición do Festival Noroeste Estrella Galicia xa ten os seus horarios definitivos, que favorecerán a asistencia a espectáculos de diversos estilos nos diferentes emprazamentos. . En total, máis de 50 actividades, dende o luns 5 ata o domingo 11 de agosto, conformarán a edición máis extensa da súa historia.
O talento feminino e o apoio ás bandas galegas son cuestións de valor fundamental para a organización do festival. Este ano, entre un elenco de máis de 50 actividades, 16 están lideradas por mulleres e 31 corresponden a formacións galegas. Este compromiso non só destaca a diversidade e a inclusión no ámbito cultural, senón que tamén promove a rica cultura galega e o papel crucial das mulleres na cultura.
O festival orgúllase de ofrecer unha plataforma a 16 artistas femininas, visibilizando o seu talento e contribuíndo a un cambio positivo na industria. Así mesmo, a inclusión de 31 formacións galegas reforza o vínculo coa comunidade local, celebrando e apoiando o talento autóctono. Estas iniciativas reflicten a dedicación do Festival Noroeste Estrella Galicia á creación dun evento culturalmente relevante e socialmente consciente.
Entre a programación musical destacan os concertos de Crystal Fighters, Vetusta Morla, Xoel López, The Rapants, Fillas de Cassandra e Triángulo de Amor Bizarro na praia de Riazor; Travis Birds e Martha High na praza de Azcárraga; Martin Kohlstedt no Castelo de San Antón; e Salif Keïta, Chambao e Lura no parque de Santa Margarita. Completan o cartel BCUC, Caamaño&Ameixeiras, Garufa Blue Devils Big Band, Hormigonera, Ife Ogunjobi, Imägo, Kamikaze Helmets, Lapido, Lemot, Leticia Rey Quintet, Meu, Patax, Repion, Soul Teller, Terrae, Tiburona, Trío da Kali, Virginia Red, Zålomon Grass e Zënzar. Os concertos celebraranse de mércores a sábado no parque de Santa Margarita, Campo da Leña, praza de Azcárraga, Castelo de San Antón e a praia de Riazor. Todos os concertos serán gratuítos.
A nivel internacional, destaca a presenza de BCUC (Sudáfrica), Lura (Cabo Verde), Salif Keïta (Malí), Soul Teller (Reino Unido), Ife Ogunjobi (Reino Unido), Martha High (Estados Unidos) e Trío da Kali (Malí). Poderanse escoitar músicas de estilos tan diferentes como o clásico, indie, garage, flamenco, bluegrass, soul, funk, new wave, bossa nova, e evidentemente, como non podería ser doutra maneira, o pop-rock, a esencia do Festival Noroeste Estrella Galicia.
Como prato forte, ‘Contos do Noroeste’ presentará un espectáculo de monólogos o domingo 11 ás 20:00 horas no parque de Santa Margarita, coa participación de Xosé Antonio Touriñán, David Perdomo, Carlos Blanco e Lucía Veiga. A entrada xeral ten un custo de 15 € máis gastos de xestión, con descontos dispoñibles para mozos, maiores de 65 anos, desempregados e familias numerosas. As entradas xa están á venda a través desta ligazón. Ademais, durante os días previos, celebraranse en diferentes localizacións sesións gratuítas a cargo de Avelino González, Roi da Costa, Bea Campos, Pepo Suevos, Atenea García, Leti da Taberna, Celso Sanmartín e Marita Martínez.
Por outra banda, ‘Noroestiño‘, enfocado ao público familiar, contará coas actuacións de Vero Rilo, Luis Iglesias, Cé Orquestra Pantasma, Paco Cerdeira, Paco Nogueiras, Os Monifates, Fran Amil e Magín Blanco.
Programación completa distribuída por localizacións, días e horas:
CONCERTOS
Miércoles 7
13:00h – Hormigonera (Campo da Leña)
14:00h – Travis Birds (Praza da Azcárraga)
19:30h – Leticia Rey Quintet (Castelo de San Antón)
20:00h – Patax (Praza da Azcárraga)
20:30h – Tiburona (Campo da Leña)
21:00h – Martin Kohlstedt (Castelo de San Antón)
21:00h – Lura (Santa Margarida)
22:00h – Zënzar (Campo da Leña)
22:30h – Ife Ogunjobi (Praza da Azcárraga)
22:45h – Salif Keita (Santa Margarida)
23:30h – Meu (Campo da Leña)
00:30h – Terrae (Santa Margarida)
00:30h – Martha High (Praza da Azcárraga)
Jueves 8
13:00h – Lemot (Campo da Leña)
14:00h – Garufa Blue Devils Big Band (Praza da Azcárraga)
19:30h – Trío da Kali (Castelo de San Antón)
20:00h – Virgina Red (Praza da Azcárraga)
20:30h – Zalomon Grass (Campo da Leña)
21:00h – Lapido (Castelo de San Antón)
21:00h – Caamaño&Ameixeiras (Santa Margarida)
22:00h – Kamikaze Helmets (Campo da Leña)
22:30h – Imägo (Praza da Azcárraga)
22:45h – Bcuc (Santa Margarida)
23:30h – Repion (Campo da Leña)
00:30h – Chambao (Santa Margarida)
00:30h – Soul Teller (Praza da Azcárraga)
Viernes 9 – Praia de Riazor
21:15h – Fillas de Cassandra
22:30h – Xoel López
00:30h – Crystal Fighters
Sábado 10 – Praia de Riazor
21:00h – Triángulo de Amor Bizarro
23:00h – Vetusta Morla
01:00h – The Rapants
CONTOS AO NOROESTE (DE PAGO)
XOSÉ A. TOURIÑÁN, CARLOS BLANCO, DAVID PERDOMO, LUCÍA VEIGA
Domingo 11 Agosto – 20:00h – Parque de Santa Margarita
CONTOS AO NOROESTE (ENTRADA LIBRE)
AVELINO GONZÁLEZ (5 agosto, 19:00h – Praza de Vigo)
ROI DA COSTA (6 agosto, 19:00h – Praza do Humor)
BEA CAMPOS (7 agosto, 19:00h – Praza das Bárbaras)
PEPO SUEVOS (8 agosto, 19:00h – Praza de Pontevedra)
ATENEA GARCÍA (9 agosto, 19:00h – Praza de Vigo)
LETI DA TABERNA (10 agosto, 13:00h – Praza do Humor)
CELSO SANMARTÍN (10 agosto, 19:00h – Praza do Humor)
MARITA MARTÍNEZ (11 agosto, 13:00h, Praza de Pontevedra)
NOROESTIÑO (ENTRADA LIBRE)
VERO RILO E LUIS IGLESIAS – 5 agosto
CÉ ORQUESTRA PANTASMA – 6 agosto
PACO CERDEIRA – 7 agosto
PACO NOGUEIRAS – 8 agosto
OS MONFIATES – 9 agosto
FRAN AMIL – 10 agosto
Todos los días a las 19:00h en los Xardíns de Méndez Núñez
