Volve o Festival Noroeste Estrella Galicia coa súa edición máis extensa ata a data, do luns 5 ao domingo 11 de agosto, ofrecendo 52 actividades destacadas. Este ano, como principal novidade, desenvolveranse actividades de artes escénicas durante toda a semana, incluíndo ‘Contos do Noroeste‘ e ‘Noroestiño‘. Estas actividades realizaranse en espazos emblemáticos da Coruña, como a praza de Pontevedra, praza de Vigo, praza do Humor e praza das Bárbaras.
Como prato forte, ‘Contos do Noroeste’ presentará un espectáculo de monólogos o domingo 11 ás 20:00 horas no parque de Santa Margarita, coa participación de Xosé Antonio Touriñán, David Perdomo, Carlos Blanco e Lucía Veiga. A entrada xeral ten un custo de 15 € máis gastos de xestión, con descontos dispoñibles para mozos, maiores de 65 anos, persoas desempregadas e familias numerosas. As entradas xa están á venda a través deste enlace. Ademais, durante os días previos, celebraranse en diferentes localizacións sesións gratuítas a cargo de Avelino González, Roi da Costa, Bea Campos, Pepo Suevos, Atenea García, Leti da Taberna, Celso Sanmartín e Marita Martínez.
Pola súa banda, ‘Noroestiño’, enfocado ao público familiar, contará coas actuacións de Vero Rilo, Luis Iglesias, Cé Orquestra, Paco Cerdeira, Paco Nogueiras, Os Monifates, Fran Amil e Magín Blanco.
Os artistas que actuarán na praia de Riazor son Vetusta Morla, Xoel López, Crystal Fighters, Triángulo de Amor Bizarro, The Rapants e Fillas de Cassandra. Na praza de Azcárraga presentaranse destacados nomes como Travis Birds ou Martha High, mentres que no Castelo de San Antón actuará Martin Kohlstedt, Salif Keïta, Chambao ou Lura, entre outros, encherán de música o parque de Santa Margarita.
O cartel complétase con BCUC, Caamaño & Ameixeiras, Garufa Blue Devils Big Band, Hormigonera, Ife Ogunjobi, Imägo, Kamikaze Helmets, José Ignacio Lapido, Lemot, Leticia Rey Quintet, Meu, Patax, Repion, Soul Teller, Terrae, Tiburona, Trío da Kali, Virginia Red, Zålomon Grass e Zënzar. Os concertos levaranse a cabo de mércores a sábado en diferentes ubicacións: parque de Santa Margarita, Campo da Leña, praza de Azcárraga, Castelo de San Antón e a praia de Riazor. Todos os concertos serán de balde.
